طريقه التحكم في النفس

ا

لسلام عليكم ورحمة الله وبركاته

احب هنا ان اقدم لكم طرق عملية للتحكم فى النفس

الكثير منا يعانى من انه لا يستطيع التحكم فى مشاعره او سولكه ، فسرعان ما يؤثر علينا الأخرين او تؤثر علينا المواقف لنجد انفسنا وقد خرجنا عن شعورنا

وفى بعض الاحيان قد نحتاج الى الشجاعة فى مواقف معينة ونحتاج الى الثقة فى انفسنا ولكن هيهات ( ركب تخبط فى بعضها وعرق كالمطر وما الى ذلك ..)

يمكن من قرائتى الكثيره احببت ان استخلص لكم طرق عملية نستطيع بها وبسهوله ان نتحكم فى مشاعرنا او فى ضبط انفسنا وتقدر تستخدمها فى مواقف كتيره

زى الألقاء امام جمهور ( وعلى فكرة الخوف رقم 1 هو التحدث امام الجمهور على الرغم من ان الخوف من الموت رقم 6 )

عندما يكون عندك مقابله شخصية

فى الشغل مع المدير او رئيسك فى العمل

مع الشخصيات المهمة

عند الغضب وازاى اتحكم فى مشاعرى

وان شاء الله هحاول اجيبلكم الطرق العملية من الكتاب والسنة بجانب النظريات الحديثة

حاسس بكم عايزين ابدأ

تعالوا معايا

علشان نقدر نتحكم فى تصرفاتنا ومشاعرنا وكمان افكارنا

انا هنا هستخدم طرقتين وقابلين للزياده

الاولى نموذج مرسيدس

والثانية الرابط الذهنى

متستغربوش هشرح حالاً

اولا : نموذج مرسيدس

سموه كده للشبه بين الشكل لشركة مرسيدس الدائرة المقسم لثلاث اجزاء

لقد قسم العلماء شخصية الانسان الى

فكر

ومشاعر

وسلوك

وقالوا لو قدرت تغير فى واحده منهم على طول تلاقى الاثنين الباقيين يتغيروا معاك

يعنى لو عايز تطلع تخطب قدام جمهور

طبعا اول حاجة افكار سلبية هتنهال عليك ( انا شكلى ...... النا س كتير ... صوتى ... ) صح

علشان كده لو انت طلعت بالمنظر ده هتلاقى مشاعرك سلبية ( خوف رعب ............)

سلوكك كمان هيبقى سلبى ( مش عارف تتكلم ، بتتحرك بشكل غير طبيعى )

تعمل اه

لو غيرت مثلا سلوكك ( وطلعت راسك مرفوعه اكتاف للخلف وبتتنفس صح ) هتلاقى افكارك هتبقى ايجابية ومشاعرك كمان ايجابية

ناخد مثال اخر

لو حد نرفزك ومشاعرك ( غيظ وكره ..) لو غيرت طريقة تفكيرك بأنك قوى وبأنك تقدر تتحكم فى نفسك هتلاقى على طول مشاعرك وسلوكك بيتغيرو ا

او ممكن تغير طريقة سلوكك يعنى لو كنت واقف حاول تقعد او حاول تتنفس بهدوء

وياسلام لو تغير تفكيرك وتتزكر حديث النبى صلى الله عليه وسلم عن الغضب وده تغير فكر هتلاقى مشاعرك وسلوكك بيتغيروا

والحديث اكبر دليل حديث أبي ذر عند أحمد وأبي داود، أنه -عليه الصلاة والسلام- قال: إذا غضب أحدكم وهو قائم فليجلس، فإن لم يذهب عنه الغضب فليضطجع

فهو دليل عملى على اننا اذا غيرنا سلوكنا سيتغير بالتالى مشاعرنا وافكارنا

لو عايز تعمل مقابله غير فكرك تصور نجاحك وعش الحلم بأنك فى المقابلة والكل معجب بك اقنع عقل اللاواعى بكده

وعند المقابله هتلاقى سلوكك يستجيب معك ومشاعرك كذلك

الخلاصة

لو استطعت التغيير فى واحده من الثلاثه ( فكرك ( بطريقة ايجابة ) او سلوكك ( حاول يكون سلوك الواثق من نفسه ) او مشاعرك لحديث النبى : " تفاءلوا بالخير تجدوه " ) اذا انت تستطيع التحكم فى نفسك

انتظروا الرابط الذهنى وازاى استخدمه فى ضبط النفس

شكرآ لك علي طريقه التحكم بالنفس محمد جبيلي

» لاول طريقه لدمج هاردين ليبقوا هارد واحد الطريقه